కూలీలతో వెళ్తున్న ఆటో బోల్తా.. 12 మందికి గాయాలు

శ్రీకాకుళం జిల్లాలో శుక్రవారం రోడ్డు ప్రమాదం జరిగింది. కూలీలతో వెళ్తున్న ఆటో కంచిలి మండలం బారువా సమీపంలో బోల్తా పడింది. ఈ ప్రమాదంలో 12 మందికి గాయాలయ్యాయి. ఐదుగురి పరిస్థితి విషమించడంతో వారిని ఆస్పత్రికి తరలించారు. సమాచారం అందుకున్న పోలీసులు ఘటనా స్థలానికి చేరుకున్నారు. కేసు నమోదు చేసి దర్యాప్తు చేస్తున్నారు. వేగం కారణంగా ఆటో అదుపు తప్పడం వల్లనే ఈ ప్రమాదం జరిగి ఉంటుందని పోలీసులు అనుమానిస్తున్నారు.