భీమారం లో ఘనంగా అయ్యప్ప పడిపూజ

అయ్యప్ప మహా పడిపూజ ఈ రోజు అనగా శుక్రవారం భీమారం లో గురుస్వామి గడ్డం భరత్, కన్నెస్వామి గడ్డం భార్గవ్ ల స్వగృహంలో వేద పండితుల ఆధ్వర్యంలో పూజ ఘనంగా నిర్వహించారు. మండల దీక్షలో భాగంగా నగరంలో అయ్యప్ప మహాపడిపూజలు వందల సంఖ్యలో జరుగుతున్నాయి. కరోనా దృష్ట్యా గడిచిన రెండేళ్లల్లో మాలధారణ ఎక్కువ మంది చేయలేకపోయారు. కానీ ఈ సారి నగరంలో వేలసంఖ్యలో అయ్యప్ప మాలధారణలు జరగడం విశేషం. భీమారంలోని పడిపూజలో అయ్యప్ప స్వామికి అభిషేకం, మహాపడిపూజ నిర్వహించి భక్తులను దీవించారు. అనంతరం మహాన్నదానం నిర్వహించారు. ఈ పూజలో గురుస్వాములు కోటి, స్వరన్, సదానందం, రాజు, రమేష్, సాయి, రాధాకృష్ణ, వెంకటేష్, రాజేష్, మారుతి, రాజేందర్, తదితరులు పాల్గొన్నారు.