అనాధలు, అభాగ్యుల ఆకలి తీర్చిన యువకులు

మన చుట్టూ ఉన్నా సమాజంలో ఎంతో మంది అనాధలు, మతిస్థిమితం లేని వారు, ఒక్క పూట ఆహారం కూడా లేని అభాగ్యులు ఎంతో మంది ఉన్నారు. హన్మకొండ ప్రాంతంలో అలాంటి వారిని చూసి చలించిన యువకులు భూక్య రాజశేఖర్, భగత్ సింగ్ నాయక్ అనే యువకులు బుధ‌వారం మధ్యాహ్నం 10 మంది అభాగ్యులకు ఆహారాన్ని అందించారు. ఈ కార్యక్రమం చేయడానికి మరి కొంతమంది మిత్రులు పరోక్షంగా సహకరించారు. మన చుట్టూ ఉన్న ఇలాంటి వారిని ఆదుకోవాల్సిన‌ సామాజిక బాధ్యత మన అందరిపైన ఉందని, తాము ముందు ముందు ఇలాంటి సేవ కార్యక్రమాలు కొనసాగిస్తామని తెలిపారు.

అలాగే దాతలు ముందుకు వచ్చి సహాయం చేయగలిగితే అలాంటి వారికి దుప్పట్లు పంపిణీ చేస్తామని, రోజు రోజుకి చలి తీవ్రత పెుగుతుండడంతో ఆ అభాగ్యులు తీవ్రంగా బాధ అనుభవిస్తున్నారని, వారికి దుప్పట్లు పంపిణీ చేయాలనే ఆలోచన ఉందని, దీనికి సామాజిక స్పృహ తో దాతలు ముందుకి రావాలని ఈ సందర్భంగా వారు తెలిపారు. ఎవరైనా తమ దగ్గర ఉన్న దుప్పట్లు గానీ ఆహార పదార్థాలు గానీ ఇవ్వాలి అనుకుంటే 9701974915 లేదా 6281613487 నంబర్ల ద్వారా వారిని సంప్ర‌దించ‌వ‌చ్చ‌ని వారు తెలిపారు.