రాజీకి ప్రయత్నించండి.. జయంరవి దంపతులకు కోర్టు సూచన

తన భార్య ఆర్తి నుంచి విడిపోతున్నానని ఇటీవల నటుడు జయంరవి ప్రకటించిన విషయం తెలిసిందే. ఈ క్రమంలోనే ఆయన విడాకుల కోసం న్యాయస్థానాన్ని ఆశ్రయించారు. చెన్నై ఫ్యామిలీ కోర్టు తాజాగా ఈ పిటిషన్‌ను పరిశీలించింది. ఇరు వర్గాల వాదనలు విన్న న్యాయస్థానం.. మరోసారి ఇద్దరూ కలిసి మాట్లాడుకోవాలని, రాజీ కుదుర్చుకోవడానికి ప్రయత్నించాలని సూచించింది. విడిపోవాలనుకుంటే.. అందుకు కారణాన్ని స్పష్టంగా తెలియజేయాలని పేర్కొంది.