గత ప్రభుత్వం వల్లే తెలంగాణ పచ్చగా మారింది: హరీశ్ రావు (వీడియో)

TG: పంటలు బాగా పండాయని కాంగ్రెస్ వాళ్ళు తమ ఖాతాలో వేసుకుంటున్నారని మాజీ మంత్రి హరీశ్ రావు సంచలన వ్యాఖ్యలు చేశారు. మహబూబ్‌నగర్ జిల్లా కురుమూర్తి స్వామి ఆలయాన్ని బుధవారం ఆయన సందర్శించారు. ఈ సందర్భంగా ఆయన మీడియాతో మాట్లాడుతూ.. గత ప్రభుత్వంలో రైతులకు 24 గంటల విద్యుత్, కాలువల ద్వారా నీళ్లు ఇవ్వడం వల్లే తెలంగాణ పచ్చగా మారిందని గుర్తుచేశారు. గత ప్రభుత్వం వల్లే ప్రస్తుతం రైతులు రెండు పంటలను పండిస్తున్నారని అన్నారు.