శబరిమల వెళ్లే భక్తుల కోసం ప్రత్యేక ఏర్పాట్లు

మండల-మకరవిళక్కు సీజన్‌లో భాగంగా కేరళలోని శబరిమల ఆలయం శనివారం తెరుచుకుంది. నేటి తెల్లవారుజాము నుంచి భక్తులను దర్శనాలకు అనుమతిస్తున్నారు. ఈ నేపథ్యంలో శబరిమల అయ్యప్ప ఆలయానికి వెళ్లే భక్తుల కోసం కేరళ ప్రభుత్వం, ట్రావెన్‌కోర్‌ దేవస్థానం బోర్డు ప్రత్యేక ఏర్పాట్లు చేశాయి. ఆలయానికి చేరుకొనే అన్ని ప్రధాన మార్గాల్లో ప్రత్యేక వైద్య సేవలు అందిస్తున్నాయి. ఏదైనా వైద్య సాయం కావాలంటే 04735203232 నంబర్‌కు కాల్‌ చేయవచ్చు.