హనుమాన్ భక్త బృందం ఆధ్వర్యంలో పులిహోర పంపిణీ

సిద్దిపేట జిల్లా గజ్వేల్ అంగడి పెట్ హనుమాన్ దేవాలయం వద్ద మంగళవారం హనుమాన్ భక్త బృందం ఆధ్వర్యంలో స్థానిక వ్యాపారవేత్త సాయిరాం అంజమ్మ దంపతుల సౌజన్యంతో పులిహోర పంపిణీ కార్యక్రమం నిర్వహించారు. ఈ కార్యక్రమంలో బీజేపీ నేత కడారి నరేంద్ర మాట్లాడుతూ ప్రతి మంగళవారం క్రమం తప్పకుండా పులిహోర పంపిణీ కార్యక్రమాన్ని నిర్వహించడం అభినందనీయం అని ఈ రోజు పులిహోర దాతలకు హనుమాన్ కరుణ కటాక్షాలు ఉంటాయని, ప్రతి ఒక్కరూ సేవా నిరతి కలిగి ఉండాలని అన్నారు.