మొగుడంపల్లి: మద్యం దుకాణంలో భారీ అగ్ని ప్రమాదం
మొగుడంపల్లి మండలంలోని మద్యం దుకాణంలో భారీ అగ్ని ప్రమాదం ఆదివారం చోటు చేసుకుంది. బస్టాండ్ రోడ్డులో రేణుక ఎల్లమ్మ మద్యం దుకాణంలో నుంచి పొగలు రావడంతో స్థానికులు గుర్తించారు. వెంటనే వైన్స్ నిర్వాహకులకు షెట్టర్ తాళాలు తీయడంతో ఒక్కసారిగా మంటలు ఎగిసిపడ్డాయి. సిబ్బంది, ఎక్సైజ్ శాఖ అధికారులకు సమాచారం ఇవ్వగా వారు వచ్చి మంటలార్పేశారు. మద్యం బాటిళ్లతోపాటు ఫర్నిచర్ పూర్తిగా కాలి బూడిదయ్యాయి. సుమారు రూ. 30 లక్షల నష్టం వాటిల్లినట్లు నిర్వాహకులు తెలిపారు. రిఫ్రిజిరేటర్లో షార్ట్ సర్క్యూట్ కారణంగా ఈ ప్రమాదం జరిగిందన్నారు.
