బాగ్అమీర్ లో సద్దుల బతుకమ్మ సంబరాలు

శేర్లింగంపల్లి నియోజకవర్గం వివేకానంద నగర్ డివిజన్ పరిధిలోని బాగ్అమీర్, కూకట్పల్లి ముదిరాజ్ సంఘం అధ్యక్షులు గుందడి యాదయ్య కుటుంబ సభ్యులు ఆధ్వర్యంలో సోమవారం సద్దుల బతుకమ్మ ఘనంగా నిర్వహించారు. ఈ సందర్భంగా వారు మాట్లాడుతూ.. ఇంతమంది ఆడపడుచులు బతుకమ్మ ఆడడం సంతోషంగా ఉందన్నారు. తెలంగాణ సంస్కృతి సంప్రదాయాలలో ఆడపడుచులకు ప్రత్యేక పండగని అన్నారు. ప్రకృతిని ఆరాధిస్తూ జరుపుకునే బతుకమ్మ పండుగ మహిళలందరినీ ఒకచోటకు చేరుస్తుందన్నారు. మహిళల ఆత్మగౌరవానికి ప్రతీకగా నిలిచే పండుగే బతుకమ్మ పండుగని అభివర్ణించారు. అనంతరం వివేకానంద నగర్ డివిజన్ టిఆర్ఎస్ నాయకురాలు గుందడి నాగలక్ష్మి మాట్లాడుతూ ప్రకృతి ప్రసాదించే పూలతో పేర్చే బతుకమ్మను గౌరమ్మగా భావిస్తాం ఈ గౌరమ్మ తల్లి అందరిని చల్లగా చూడాలని వేడుకున్నట్లు తెలిపారు. అందరికీ బతుకమ్మ పండుగ పర్వదిన శుభాకాంక్షలు తెలిపారు. మహిళలు, తదితరులు పాల్గొన్నారు.