ముగిసిన జానీ మాస్టర్ పోలీస్ కస్టడీ విచారణ

లేడీ కొరియోగ్రాఫర్ పై అత్యాచార ఆరోపణనలతో అరెస్ట్ అయిన జానీ మాస్టర్ కస్టడీ విచారణ శనివారంతో ముగిసింది. నాలుగు రోజుల పాటు జానీ మాస్టర్ ను విచారించిన పోలీసులు కొద్ది సేపటి క్రితమే రంగారెడ్డి జిల్లా నార్సింగి పోలీస్ స్టేషన్ నుండి ఉప్పరపల్లి కోర్టుకు తరలించారు. ఉప్పరపల్లి కోర్టులో హాజరు పరిచిన అనంతరం చంచల్ గూడా జైలుకు తరలించనున్నారు.