కొండకల్ పాఠశాలలో ఘనంగా వార్షికోత్సవం

కొండకల్ జిల్లా పరిషత్ ఉన్నత పాఠశాలలో సోమవారం పాఠశాల వార్షికోత్సవం ఘనంగా జరుపుకున్నారు. పాఠశాలలో ప్రభుత్వం వారి ఉత్తర్వులను అనుసరించి ఉదయం ఎనిమిది గంటలకు పేరెంట్ టీచర్స్ మీటింగ్ నిర్వహించారు. విద్యార్థులకు ఆన్లైన్ ప్రగతి పత్రాలను అందజేశారు. ఈ కార్యక్రమంలో విద్యార్థుల ప్రగతిని తల్లిదండ్రులకు వివరించారు. పేరెంట్ టీచర్స్ మీటింగ్ అనంతరం వార్షికోత్సవ కార్యక్రమాన్ని నిర్వహించారు. విద్యార్థులచే నిర్వహించబడిన సాంస్కృతిక కార్యక్రమాలు అందరినీ ఆకట్టుకున్నాయి. విద్యార్థినీ, విద్యార్థులు చాలా ఉత్సాహంగా ఈ కార్యక్రమంలో పాల్గొన్నారు. ఈ కార్యక్రమంలో పాఠశాల ప్రధానోపాధ్యాయులు ఏ. విద్యాకర్ మాట్లాడుతూ ఈరోజు పాఠశాల చివరిదినం కావడంతో విద్యార్థులకు ప్రగతి పత్రాలు అందజేసి వారి తల్లిదండ్రులకు వారి ప్రగతి గురించి వివరించడం జరిగింది అని అన్నారు. విద్యార్థులకు చదువుతోపాటు సాంస్కృతిక కార్యక్రమాలు కూడా చాలా అవసరం, ఇలాంటి కార్యక్రమాలు పాఠశాలలో నిర్వహించడం వల్ల విద్యార్థులకు మానసిక ఆనందం కలుగుతుంది, మళ్ళీ ఉత్సాహంగా పాఠశాల కార్యక్రమాల్లో పాల్గొనగలుగుతారు అని అన్నారు. పాఠశాల ఎస్ఎంసి చైర్మన్ కడిమెన అశోక్, ఉపాధ్యాయులు రఘునందన్ రెడ్డి, రామకృష్ణ, అంజిరెడ్డి, రాములు, వెంకటేష్, శ్రీనివాస్, జంగయ్య, హరికృష్ణ, యాదయ్య, యాదమ్మ, కుసుమ కుమారి, సుజాత, అరుంధతి, స్వప్న, మరియు విద్యార్థులు తల్లిదండ్రులు పాల్గొన్నారు.