మంచిర్యాల: అక్రమంగా తరలిస్తున్న పిడిఎస్ బియ్యం పట్టివేత

మంచిర్యాల నుంచి మహారాష్ట్రకు అక్రమంగా తరలిస్తున్న 5 క్వింటాళ్ల పీడీఎస్ బియ్యాన్ని టాస్క్ ఫోర్స్ పోలీసులు పట్టుకున్నారు. బుధవారం జిల్లా కేంద్రంలో ఐబీ చౌరస్తాలో వాహనాల తనిఖీ చేస్తుండగా ఆటోలో బియ్యాన్ని గుర్తించినట్లు, వెంటనే ఆటోను ఎన్టీఆర్ కాలనీకి చెందిన దర్శన్ అనే వ్యక్తిని అదుపులోకి తీసుకున్నట్లు తెలిపారు. తదుపరి విచారణ నిమిత్తం మంచిర్యాల
పోలీస్ స్టేషన్లో అప్పగించినట్లు పేర్కొన్నారు.