29న మంచిర్యాలలో బీఆర్ఎస్ ఆధ్వర్యంలో దీక్ష దివాస్

మంచిర్యాల జిల్లా కేంద్రంలో ఈ నెల 29న బీఆర్ఎస్ ఆధ్వర్యంలో దీక్ష దివాస్ నిర్వహించనున్నట్లు మాజీ ఎమ్మెల్యే నడిపెల్లి దివాకర్ రావు తెలిపారు. మంగళవారం జరిగిన సన్నాహక సమావేశంలో ఆయన మాట్లాడుతూ తెలంగాణ ఉద్యమాన్ని మలుపు తిప్పిన నవంబర్ 29న కేసీఆర్ చేపట్టిన నిరాహార దీక్షను గుర్తు చేసుకుంటూ ఈ కార్యక్రమం నిర్వహిస్తున్నట్లు పేర్కొన్నారు. కార్యకర్తలు, నాయకులు పెద్దఎత్తున తరలివచ్చి విజయవంతం చేయాలని కోరారు.