27న అయ్యప్ప మహా మండల పూజ

జిల్లా కేంద్రంలోని శ్రీ ప్రసన్నాంజనేయ అయ్యప్ప స్వామి దేవాలయంలో ఈనెల 27న అయ్యప్ప మహా మండల పూజ నిర్వహిస్తున్నట్లు నిర్వాహకులు గురుస్వామి రాజ్ కిరణ్ తెలిపారు. శుక్రవారం ఆలయం వద్ద పడిపూజ ప్రచార కరపత్రాలను విడుదల చేశారు. 26వ తేదీన అయ్యప్ప ఉత్సవ విగ్రహాలతో ఆరట్టు ఉత్సవం ఉంటుందని తెలిపారు. బ్రహ్మం గురుస్వామి పర్యవేక్షణలో జరిగే మండల పూజకు అయ్యప్ప స్వాములు, భక్తులు అధిక సంఖ్యల పాల్గొని జయప్రదం చేయాలని కోరారు. మధ్యాహ్నం బిక్ష, సాయంత్రం పూజ అనంతరం తీర్థ ప్రసాదాలు అందిస్తారని తెలిపారు. ఈ కార్యక్రమంలో అయ్యప్ప భక్తులు పాల్గొన్నారు.