தேசிய சீனியர் ஆக்கியில் ஒடிசா வெற்றி.. கோப்பை வழங்கிய உதயநிதி

தேசிய சீனியர் ஆண்கள் சாம்பியன்ஷிப் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்தது. 30 மாநில அணிகள் பங்கேற்ற இந்த போட்டியில் ஒடிசா - அரியானா அணிகள் இறுதிப்போட்டிக்கு முன்னேறின. இந்த நிலையில் ஒடிசா - அரியானா அணிகள் மோதிய இறுதிப்போட்டி இன்று நடைபெற்றது. இந்த ஆட்டத்தில் ஒடிசா அணி 5-1 என்ற கோல் கணக்கில் வெற்றி பெற்று சாம்பியன் பட்டம் வென்றது. தொடர்ந்து, வெற்றி பெற்ற ஒடிசா அணிக்கு துணை முதலமைச்சர் உதயநிதி கோப்பையை வழங்கினார்.