ఆదిలాబాద్: జాతీయస్థాయి ఎస్జిఎఫ్ పోటీలకు ఎంపిక

ఈ నెల 4, 5 తేదీలలో నెల్లికుదురులో జరిగిన ఎస్జిఎఫ్ రాష్ట్ర స్థాయి ఫెన్సింగ్ పోటీలలో అండర్17 విభాగంలో గుడిహట్నూర్ కి చెందిన కొడప అంజలి సబేర్ ఈవెంట్ లో అత్యుత్తమ ప్రతిభ కనబర్చి జాతీయ స్థాయి పోటీలకు ఎంపిక అయినట్టు ఎస్జిఎఫ్ సెక్రెటరీ చెరుకు ఫణి రాజా తెలిపారు. ఈ నెల 17 నుండి 21తేదీ వరకు జమ్మూ & కాశ్మీర్ లో జరిగే జాతీయ స్థాయి పోటీలలో పాల్గొననున్నట్టు ఉమ్మడి ఆదిలాబాద్ జిల్లా ఫెన్సింగ్ అసోసియేషన్ కార్యదర్శి ఆవునూరి మహేష్ తెలిపారు.