మక్తల్: ఓటరు నమోదును పరిశీలించిన కలెక్టర్

మక్తల్ పట్టణంలో ఆదివారం చేపట్టిన ఓటరు నమోదు స్పెషల్ డ్రైవ్ ను కలెక్టర్ సిక్తా పట్నాయక్ పరిశీలించారు. పట్టణంలోని పలు పోలింగ్ బూత్ లలో బిఎల్వోలు చేపట్టిన ఓటరు నమోదు కార్యక్రమాన్ని పరిశీలించారు. ఓటరు జాబితాలో సవరణలు, చేర్పులు జాగ్రత్తగా పరిశీలించి నమోదు చేయాలని చెప్పారు. అనంతరం పట్టణంలో ఎన్యుమారెటర్లు చేపట్టిన సమగ్ర కుటుంబ సర్వేను పరిశీలించారు. తప్పులు లేకుండా వివరాలు నమోదు చేయాలని చెప్పారు.