అయిజ: విద్యుత్ ఘాతానికి పశుగ్రాసం దగ్ధం

అయిజ మండలం సంకాపురం గ్రామానికి చెందిన నరసింహులు గట్టు మండలం మాచర్ల నుంచి శుక్రవారం పశుగ్రాసాన్ని కొనుగోలు చేసి టాక్టర్ పై తీసుకొస్తున్నాడు. గ్రామ సమీపంలో విద్యుత్ తీగలు తగిలి పశుగ్రాసం దగ్ధమైంది. డ్రైవర్ రామకృష్ణ అప్రమత్తమై ట్రాలీలో ఉన్న గడ్డిని లిఫ్ట్ సాయంతో కిందకు తోసేశాడు. దీంతో ప్రమాదం నుంచి టాక్టర్ను కాపాడాడు. ప్రమాదంలో రూ. 10 వేల పైన విలువ చేసే పశుగ్రాసం దగ్ధమైందని రైతు నరసింహులు ఆవేదన వ్యక్తం చేశారు.