ఈస్లాం దాడిలో ముగ్గురు నిందితుల అరెస్టు

కాగజ్‌నగర్‌ మండలం ఈస్లాం విలేజ్ నెం-5లో ఈ నెల 26న జరిగిన దాడిలో ముగ్గురు నిందితులను అరెస్టు చేసినట్లు కాగజ్‌నగర్‌ డీఎస్పీ రామానుజం బుధవారం తెలిపారు. ఆయన మాట్లాడుతూ.. మనీష్ మాణిక్ దాస్, డెబాషిష్ మండల్, బుద్ధేశ్వర్ రాయిలను అరెస్టు చేశామన్నారు. ఇంకా కొంతమంది నిందితులు పరారులో ఉన్నారని, త్వరలోనే వారిని కూడా అరెస్టు చేస్తామని వెల్లడించారు. శాంతిభద్రతలకు విఘాతం కలిగిస్తే ఉపేక్షించేది లేదని హెచ్చరించారు.