నాన్నను చూడాలని వచ్చా.. న్యాయమూర్తితో చెప్పిన ఆరేళ్ల చిన్నారి

AP: విశాఖ స్టీల్ ప్లాంట్‌లో పని చేసే తండ్రి, రైల్వేల్లో పని చేసే తల్లి విభేధాలతో దూరంగా ఉంటున్నారు. వీరికి ఆరేళ్ల కూతురు ఉంది. నాన్న కావాలని తల్లితో రోజూ మారాం చేసేది. మంగళవారం కోర్టులో వాయిదాకు వచ్చినప్పుడు.. ఆ చిన్నారిని న్యాయమూర్తి కె.రాధారత్నం గమనించారు. పిల్లల్ని ఎందుకు తీసుకొచ్చారని అడగటంతో జరిగిన విషయాన్ని తల్లి చెప్పింది. ఎందుకు వచ్చావని చిన్నారని ప్రశ్నించగా.. ‘నాన్నను చూడాలని వచ్చా’ అని బదులిచ్చింది. దాంతో తండ్రిని పిలిచి.. చిన్నారిని ఆడించి తీసుకురమ్మని న్యాయమూర్తి ఆదేశించారు.