సికింద్రాబాద్: ట్రైన్ నుంచి జారి పడి వ్యక్తి మృతి

ట్రైన్ నుంచి ప్రమాదవశాత్తు ఓ వ్యక్తి జారిపడి మృతి చెందిన సంఘటన సికింద్రాబాద్ రైల్వే పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం. రంగారెడ్డి జిల్లాకు చెందిన మంగలి ముత్యాలు (44) రైల్ ఎక్కాడు. చర్లపల్లి-ఘట్కేసర్ మధ్యలో ప్రమాదవశాత్తు ట్రైన్ నుంచి జారి పడి తీవ్రగాయాలై మృతి చెందాడు. విషయం తెలుసుకున్న పోలీసులు ఘటనా స్థలికి చేరుకుని కేసు నమోదు చేసి దర్యాప్తు చేస్తున్నారు.