నారాయణపేట: భక్తి శ్రద్దలతో గురు గాయత్రి సామూహిక హోమం

నారాయణపేట పట్టణంలోని సద్గురు అవధూత నరసింహ స్వామి మఠంలో స్వామి వారి 133వ ఆరాధన మహోత్సవాలను మంగళవారం రెండవ రోజు ఘనంగా నిర్వహించారు. వేద పండితుల మంత్రోచ్చారణలతో భక్తులు గురు గాయత్రి సామూహిక హోమం, రుద్రాభిషేకం, సామూహిక కుంకుమార్చనలు చేశారు. అనంతరం స్వామి వారికి నైవేద్యం, మహా మంగళ హారతి చేసి నైవేద్యం సమర్పించారు. భక్తులకు అన్నప్రసాద వితరణ చేశారు. పెద్ద సంఖ్యలో భక్తులు పాల్గొన్నారు.