మాజీ మంత్రి సీదిరి అప్పలరాజుకు అస్వస్థత

వైసీపీ కీలక నేత, మాజీ మంత్రి సీదిరి అప్పలరాజు స్వల్ప అస్వస్థతకు గురయ్యారు. ఉదయం ఇంట్లో వ్యాయమం చేస్తున్న సమయంలో ఆయన అస్వస్థతకు గురైనట్లు కుటుంబ సభ్యులు తెలిపారు. శ్రీకాకుళంలోని ఓ ప్రైవేట్ ఆసుపత్రికి ఆయనను తరలించి వైద్యం అందిస్తున్నారు. గుండె సంబంధిత పరీక్షలు నిర్వహించారు. ప్రస్తుతం ఆయన ఆరోగ్యం నిలకడగానే ఉందని.. 24 గంటల పాటు అబ్జర్వేషన్‌లో ఉంచాలని వైద్యులు సూచించారు.