ఓటు అడిగే హక్కు బీజేపీ నేతలకు లేదు: సీఎం రేవంత్

తెలంగాణలో ఓటు అడిగే హక్కు బీజేపీ నేతలకు లేదని సీఎం రేవంత్ ఫైర్ అయ్యారు. మెట్రో రైలు విస్తరణ, మూసీ ప్రక్షాళన, RRRకు అనుమతులు రాకుండా అడ్డుకుంటున్నది కిషన్ రెడ్డే అని మండిపడ్డారు. అసలు ఏ అర్హత ఉందని బీజేపీ నేతలు ఓటు అడుగుతున్నారని ప్రశ్నించారు. రేవంత్ రెడ్డికి పేరు వస్తుందనే కిషన్ రెడ్డి ప్రతీసారి అడ్డు తగులుతున్నారని విమర్శించారు. కేంద్రమంత్రిగా ఉండి రాష్ట్రానికి నిధులు తీసుకురాలేని దద్దమ్మ కిషన్ రెడ్డి అని ఆగ్రహం వ్యక్తం చేశారు.