మధ్యాహ్నం కునుకు తీస్తున్నారా.. అయితే డయాబెటిస్‌ పరీక్ష చేయించుకుంటే మంచిది

మధ్యాహ్నం వేళల్లో గంటకు మించి నిద్రిస్తున్న వారు డయాబెటిస్‌ పరీక్ష చేయించుకోవడం మంచిదట. మూడు లక్షలకు పైగా వ్యక్తుల నుంచి సేకరించిన సమాచారంపై జరిపిన ఓ అధ్యయనం ఆధారంగా పరిశోధకులు ఈ సలహా ఇస్తున్నారు. ఈ అధ్యయనంలో పగటిపూట రోజుకు గంటకంటే ఎక్కువసేపు నిద్రించిన వారిలో.. నిద్రించని వారికంటే టైప్‌ 2 డయాబెటిస్‌ ముప్పు 45 శాతం ఎక్కువని గుర్తించారు. అయితే, డయాబెటిస్‌ ఉన్నందువల్ల ఈ మేరకు నిద్రిస్తున్నారా, లేదంటే పగటి నిద్రవల్ల డయాబెటిస్‌ వస్తోందా అనే దానిపై స్పష్టత లేదు.