రైల్వే టిక్కెట్లు అడ్వాన్స్‌ బుకింగ్‌ 60 రోజులకు కుదింపు

రైల్వే టిక్కెట్లను ముందస్తుగా బుక్ చేసుకునే కాలపరిమితిని 120 రోజుల నుంచి 60 రోజులకు తగ్గించినట్లు రైల్వే మంత్రిత్వ శాఖ తెలిపింది. ఈ నిబంధన నవంబర్ నుంచి అమల్లోకి వస్తుందని పేర్కొంది. ఇదివరకే బుక్ చేసుకున్న టిక్కెట్లపై ఈ నిబంధన ప్రభావం పడదని వెల్లడించింది. ఇప్పటికే ముందస్తు బుకింగ్ చేసుకునేందుకు తక్కువ సమయ పరిమితి ఉన్న రైళ్ల విషయంలో ఎలాంటి మార్పు ఉండదని రైల్వే మంత్రిత్వ శాఖ తెలిపింది.