హైదరాబాద్‌లో దేవాలయం సమీపంలో భారీ పేలుడు

హైదరాబాద్ శివారున మైలర్ దేవ్‌పల్లి పోలీస్ స్టేషన్ పరిధిలోని లక్ష్మీగూడలో ప్రజాప్రతి శ్రీయాదే మాత మందిరం వద్ద సోమవారం పేలుడు కలకలం రేపింది. ఆలయ ప్రాంగణంలో చెత్తను తొలగిస్తుండగా ఒక్కసారిగా పేలుడు సంభవించింది. దీంతో పూజారి సుగునారామ్‌కు తీవ్ర గాయాలయ్యాయి. వెంటనే అతన్ని ఆస్పత్రికి తరలించారు. విషయం తెలుసుకున్న బాంబ్ స్క్వాడ్ తనిఖీలు చేసింది. పేలుడుకి గల కారణాలను తెలుసుకునేందుకు పోలీసులు దర్యాప్తు చేపట్టారు.