352 ఖాళీలు.. 26 వేల మంది అభ్యర్థులు హాజరు

జమ్మూ-కాశ్మీర్‌లో నిర్వహించిన ఆర్మీ రిక్రూట్‌మెంట్ ర్యాలీకి భారీగా అభ్యర్థులు తరలివచ్చారు. పూంఛ్ జిల్లాలో నిర్వహించిన ఈ ర్యాలీలో 26 వేల మంది యువకులు పాల్గొన్నారు. 307 జనరల్ డ్యూటీ, 45 క్లర్క్, ట్రేడ్స్‌మెన్ మొత్తం 352 పోస్టులకు 10 రోజులుగా దేహదారుఢ్య పరీక్షలు, 1.6 కిలోమీటర్ల పరుగుపందెం పోటీలు నిర్వహించారు. గ్రౌండ్ టెస్ట్ పూర్తి చేసిన 4 వేల మందికి మెడికల్ పరీక్షలు నిర్వహించారు.