நடிகர் கார்த்திக் என்ன ஆனார்..? - ரசிகர்கள் கேள்வி!

தேமுதிக தலைவர் விஜயகாந்த் மறைவையொட்டி, திரையுலகினர் பலரும் இரங்கல் தெரிவித்துள்ளனர். நடிகர்கள் ரஜனிகாந்த், கமல்ஹாசன், விஜய், அஜித், சூர்யா, சமுத்திரக்கனி, விஜய் ஆண்டனி, சத்யராஜ், சரத்குமார், பிரபு, மோகன், ராதாரவி, நடிகைகள் குஷ்பு, ராதிகா, சுகன்யா, நளினி, நிரோஷா, ரேகா உள்ளிட்ட பலரும் இரங்கல் தெரிவித்துள்ளனர். இந்த நிலையில், நடிகர் நவரச நாயகன் கார்த்திக் பற்றிய எந்த தகவலும் இல்லையே என சமூக வலைதளங்களில் ரசிகர்கள் கேள்வியெழுப்புகின்றனர். 'சமீபகாலமாக நடிகர் கார்த்திக் பற்றிய எந்தச் செய்தியும் நினைவில் இல்லை. அவர் நன்றாக இருப்பார் என்று நம்புவோம்' என ரசிகர்கள் கருத்து தெரிவித்து வருகின்றனர். விஜயகாந்துடன் ஊமை விழிகள், வீரன் வேலுத்தம்பி, தேவன் உள்ளிட்ட படங்களில் நவரச நாயகன் கார்த்திக் நடித்துள்ளது குறிப்பிடத்தக்கது.