ஸ்ரீவில்லிபுத்துார்: ரேஷன் அரிசி கடத்திய இருவர் கைது...

ஸ்ரீவில்லிபுத்தூர் அருகே ரேஷன் அரிசி கடத்திய 2 பேர் கைது. வாகனம் மற்றும் 1500 கிலோ ரேஷன் அரிசி பறிமுதல்.
விருதுநகர் மாவட்டம்,
ஸ்ரீவில்லிபுத்தூர் அருகே உள்ள சுந்தரபாண்டியம் கிராமப் பகுதியில் மதுரை மாவட்டம், கள்ளிக்குடியை சேர்ந்த முத்து மாரியப்பன், பேரையூரை சேர்ந்த முருகன் ஆகிய இரண்டு பேரும் வேன் மூலம் சுந்தரபாண்டியம் பகுதியில் ரேஷன் கடையில் விநியோகிக்கப்படும் அரிசியை வாங்கி மூடை மூடையாக கட்டி கொண்டு வாகனத்தில் சென்றனர். இச்சம்பவம் குறித்து தகவல் அறிந்த வந்த குடிமை பொருள் வழங்கல் குற்ற புலனாய்வு துறை அதிகாரிகள் வேனை மடக்கி பிடித்தனர். வேனை சோதனை செய்ததில் முத்துமாரியப்பன், முருகன் ஆகிய இரண்டு பேரையும் பிடித்து சுமார் 1500 கிலோ ரேசன் அரிசி மூடைகள் மற்றும் கடத்திச் செல்ல பயன்படுத்தப்பட்ட வேன் ஆகியவற்றை பிடித்து கிருஷ்ணன்கோவில் காவல் நிலையத்தில் ஒப்படைத்தனர். மேலும் இருவர் மீது வழக்கு பதிவு தொடர் விசாரணை நடத்தி வருகின்றனர்.