சிவகாசி: மரக்கடையில் பயங்கர தீ விபத்து. போலீஸார் விசாரணை...

சிவகாசி அருகே மரக்கடையில் பயங்கர தீ விபத்து. பல லட்ச மதிப்பிலான மரங்கள் மற்றும் இயந்திரங்கள் தீயில் எரிந்து நாசம்.
விருதுநகர் மாவட்டம்,
சிவகாசி அருகே திருத்தங்கல் புதிய பேருந்து நிலையம் அருகே திருத்தங்கல் விஸ்வகர்ம நகரை சேர்ந்த காளிமுத்து என்பவர் மர இழப்பு மற்றும் புதிய மரக்கட்டை விற்பனை செய்யும் கடை நடத்தி வருகிறார். இந்த றேற்று முன் தினம் தீபாவளி என்பதால் விடுமுறை அளிக்கப்பட்ட நிலையில் இன்று அதிகாலை திடீரென கடையிலிருந்து புகை வந்தன. புகை வந்ததை ரோட்டில்
அதிகாலை வாக்கிங் செல்பவர்கள் கவனித்தனர். சம்பவம் குறித்து உடனடியாக சிவகாசி தீயணைப்பு நிலையத்திற்கு தகவல் தெரிவிக்கப்பட்டன. சம்பவ இடத்திற்கு நிலைய அலுவலர் வெங்கடேஷன் தலைமையில் 10க்கு மேற்பட்ட தீயணைப்பு வீரர்கள் விரைந்து வந்த தீயை அணைக்கும் போது காற்று பலமாக வீசியதால் தீ மளமளவென எரிய தொடங்கின. இதனால் பல மணி நேர போராட்டத்திற்கு பின்பு தீயை அணைத்து கட்டுக்குள் கொண்டு வந்தனர். மேலும் இந்த தீ விபத்தில் பல லட்சம் மதிப்பிலான இயந்திரங்கள், மரக்கட்டைகள் தீயில் எரிந்து நாசமாயின. பூட்டிய கடையில் மின் கசிவு ஏற்பட்டு தீ விபத்து நடந்ததா? அல்லது அருகில் இருந்தவர்கள் பட்டாசு போட்டதில் தீ விபத்து ஏற்பட்டதா? என்பது குறித்து திருத்தங்கல் போலீஸார் வழக்கு பதிவு செய்து விசாரணை நடத்தி வருகின்றனர்.