மயிலம் பிடிஓ ஆபிஸில் தேசிய கொடி ஏற்றிய சேர்மன்

மயிலம் வட்டார வளர்ச்சி அலுவலகத்தில் 78வது சுதந்திர தின விழாவை முன்னிட்டு இந்திய தேசிய கொடியினை குழு தலைவர் யோகேஸ்வரி மணிமாறன் ஏற்றி வைத்து மரியாதை செலுத்தினார்.

நாடு முழுவதும் நேற்று 78வது சுதந்திர தின விழா கொண்டாடப்பட்டது. அதேபோல் விழுப்புரம் மாவட்டம், மயிலம் ஊராட்சி ஒன்றியத்திற்கு உட்பட்ட கூட்டேரிப்பட்டு பகுதியில் அமைந்துள்ள மயிலம் வட்டார வளர்ச்சி அலுவலக வளாகத்தில் 78வது சுதந்திர தின விழாவை முன்னிட்டு அங்குள்ள இந்திய தேசிய கொடியினை மயிலம் ஒன்றிய குழு தலைவர் யோகேஸ்வரி மணிமாறன் ஏற்றி வைத்து மரியாதை செலுத்தினார்.

இந்நிகழ்ச்சியில் மயிலம் வட்டார வளர்ச்சி அலுவலர்கள் ரவி, ராமதாஸ், ஒன்றிய குழு உறுப்பினர்கள் மற்றும் முன்னாள் சட்டமன்ற உறுப்பினர் ஆர். சேது நாதன், ஒன்றிய செயலாளர் மணிமாறன் உள்ளிட்ட அரசு துறை சார்ந்த அலுவலர்கள் கலந்து கொண்டு தேசியக்கொடிக்கு மரியாதை செலுத்தினர்.

இதனைத் தொடர்ந்து அலுவலக நுழைவு வாயிலில் வைக்கப்பட்டிருந்த தேசப்பிதா மகாத்மா காந்தியின் திருவுருவப்படத்திற்கு மலர் தூவி மரியாதை செலுத்தப்பட்டது.