அரக்கோணம் அருகே விபத்தில் வாலிபர் பலி
அரக்கோணம் அருகே வளர்புரம் பகுதியை சேர்ந்தவர் சுதாகர் (வயது 41), இவர் திருவள்ளூர் மாவட்டம் திருத்தணி அடுத்த கே. ஜி. கண்டிகை பகுதியில் வெல்டிங் கடை நடத்தி வந்தார். நேற்று முன்தினம் (நவ.,22) இரவு வேலை முடிந்து கடையில் இருந்து வீட்டிற்கு மோட்டார் சைக்கிளில் வந்து கொண்டிருந்தார். வளர்புரம் பகுதியில் உள்ள பாலத்தில் நெல் குவியல் வைக்கப்பட்டு இருந்ததை கவனிக்காமல் வந்ததால் அதில் மோட்டார் சைக்கிள் சிக்கி அவர் தவறி விழுந்ததாக கூறப்படுகிறது. இதில் படுகாயம் அடைந்த சுதாகரை அங்கிருந்தவர்கள் மீட்டு சிகிச்சைக்காக திருத்தணி அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி அவர் பரிதாபமாக உயிரிழந்தார். இதுகுறித்து அரக்கோணம் தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.
