அருணாசலேஸ்வரா் கோயிலில் அமைச்சர் துவக்கி வைப்பு

திருவண்ணாமலை அருணாசலேஸ்வரா் கோயிலில் பக்தா்களுக்கு நாள் முழுவதும் பிரசாதம் வழங்கும் திட்டம் ஞாயிற்றுக்கிழமை தொடங்கப்பட்டது. இந்தத் திட்டத்தை சென்னையில் இருந்தவாறு காணொலிக் காட்சி வாயிலாக தமிழக இந்து சமய அறநிலையத் துறை அமைச்சா் பி. கே. சேகா்பாபு தொடங்கிவைத்தாா்.

அதேவேளையில், அருணாசலேஸ்வரா் கோயிலில் நடைபெற்ற நிகழ்ச்சியில், சட்டப்பேரவை துணைத் தலைவா் கு. பிச்சாண்டி கலந்து கொண்டு பக்தா்களுக்கு லட்டு பிரசாதம் வழங்கினாா். அப்போது அவா் பேசியதாவது:
அருணாசலேஸ்வரா் கோயிலுக்கு வரும் பக்தா்கள் அனைவருக்கும் இன்று முதல் லட்டு, கேசரி, எலுமிச்சை சாதம் போன்ற பிரசாதங்கள் வழங்கப்படும்.

பெளா்ணமி நாள்களில் 1 லட்சத்து 25 ஆயிரம் முதல் 1 லட்சத்து 50 ஆயிரம் பக்தா்களுக்கு லட்டு பிரசாதம் வழங்கப்படும். வாரம்தோறும் வெள்ளிக்கிழமைகளில் 60 ஆயிரம் முதல் 70 ஆயிரம் பக்தா்களுக்கு கேசரி, சனி மற்றும் ஞாயிற்றுக்கிழமைகளில் 60 ஆயிரம் முதல் 70 ஆயிரம் பக்தா்களுக்கு லட்டு பிரசாதமும், திங்கள் மற்றும் வியாழக்கிழமைகளில் 25 ஆயிரம் முதல் 40 ஆயிரம் பக்தா்களுக்கு லட்டு பிரசாதமும், செவ்வாய்க்கிழமைகளில் 25 ஆயிரம் முதல் 40 ஆயிரம் பக்தா்களுக்கு எலுமிச்சை மற்றும் தயிா் சாதமும், புதன்கிழமைகளில் 25 ஆயிரம் முதல் 40 ஆயிரம் பக்தா்களுக்கு கேசரியும் வழங்கப்படும் என்றாா்.