திருப்பரங்குன்றம் முருகப்பெருமான் மதுரை வருகை

மதுரையில் மீனாட்சி சுந்தரேஸ்வரர் திருக்கல்யாணம், பிட்டுத் திருவிழா ஆகிய இரண்டு திருவிழாக்களில் திருப்பரங்குன்றம் சுப்பிரமணிய சுவாமி தெய்வானையுடன் பங்கேற்பது வழக்கம். ஆவணி மூல திருவிழா கடந்த வெள்ளிக்கிழமை கொடியேற்றத்துடன் தொடங்கியது. இந்த விழாவில் பாண்டிய மன்னனாக திருப்பரங்குன்றம் சுப்பிரமணிய சுவாமி எழுந்தருளுவது வழக்கம். இதற்காக திருப்பரங்குன்றத்தில் இருந்து சுப்பிரமணிய சுவாமி 12ஆம் தேதி மதுரைக்கு புறப்பட்டுச் செல்வார்.