துறையூரில் வாக்காளர் விழிப்புணர்வு பேரணி

திருச்சி மாவட்டம் துறையூரில் பள்ளி மாணவர்கள் கலந்து கொண்ட தேர்தல் விழிப்புணர்வு பேரணி நடைபெற்றது.

துறையூர் பாலக்கரை பகுதியில் துவங்கிய இந்த பேரணியை துறையூர் வட்டாட்சியர் மோகன் கொடியசைத்து துவக்கி வைத்தார். துறையூர் தனியார் பள்ளியைச் சேர்ந்த நூற்றுக்கும் மேற்பட்ட மாணவர்கள் இந்த பேரணிகள் கலந்து கொண்டனர் பேரணி துறையூர் பாலக்கரை பகுதியில் துவங்கி திருச்சி ரோடு பேருந்து நிலையம் வழியாக வட்டாட்சியர் அலுவலகம் வரை நடைபெற்றது. இதில்கலந்து கொண்ட மாணவர்கள் மனசாட்சிப்படி வாக்களியுங்கள் ஜனநாயகத்தை காத்திடுங்கள் ஓட்டுக்கு வாங்கும் நோட்டு உனக்கு வைக்கும் வேட்டு உள்ளிட்ட விழிப்புணர்வு பாதாகைகளை கையில் ஏந்தியவாறு ஊர்வலமாக நடந்து சென்றனர்.