திருவரம்பூர் பள்ளி மாணவனிடம் அத்துமீரிய டிரைவர் கைது
திருவரம்பூர் அருகே பள்ளி மாணவனுக்கு பாலியல் தொல்லை கொடுத்த வேன் டிரைவரை திருவரம்பூர் அனைத்து மகளிர் காவல் நிலைய போலீசார் கைது செய்தனர். திருவரம்பூர் அருகே உள்ள குண்டூர் பகுதியைச் சேர்ந்த ஏழாம் வகுப்பு படிக்கும் மாணவனை ராஜேஷ் கண்ணா என்ற வேன் டிரைவர் நாள்தோறும் டியூசனுக்கு அழைத்துச் செல்வது வழக்கம். அந்த வகையில் கடந்த ஆறாம் தேதி அன்று மாத்தூருக்கு டியூசனுக்கு மாணவனை அழைத்துச் சென்றார். அந்தப் பகுதியில் உள்ள நூறு அடி சாலை பகுதியில் ஒதுக்குப்புறமாக அழைத்துச் சென்று டிரைவர் ராஜேஷ் கண்ணா அந்த சிறுவனிடம் தவறாக நடந்து கொண்டதாக தெரிகிறது. இதுகுறித்து பள்ளி மாணவன் பெற்றோரிடம் தெரிவித்தார். அதன் அடிப்படையில் அவரது பெற்றோர்கள் திருவரம்பூர் அனைத்து மகளிர் காவல் நிலையத்தில் புகார் அளித்ததன் பேரில் ராஜேஷ் கண்ணாவை போலீசார் கைது செய்து விசாரணை நடத்தி வருகின்றனர்.
