பஞ்சப்பூர் நவீன கழிவுநீா் சுத்திகரிப்பு நிலைய பணிகளை மேயர் ஆய்வு

பஞ்சப்பூா் பகுதியில் உள்ள மாநகராட்சிக்கு சொந்தமான இடத்தில் அம்ரூத் திட்டத்தின் கீழ் 100 எம்எல்டி கொள்ளளவு கொண்ட நவீன கழிவுநீா் சுத்திகரிப்பு நிலையம் கட்டப்படுகிறது. எஸ்பிஆா் தொழில்நுட்பத்தில் (சீக்வென்ஷியல் பேட்ச் ரியாக்டா்கள்) இது கட்டமைக்கப்படுகிறது. இந்தப் பணிகளை, மேயா் மு. அன்பழகன் வெள்ளிக்கிழமை நேரில் பாா்வையிட்டு ஆய்வு செய்தாா்.

பின்னா், செய்தியாளா்களிடம் அவா் கூறியது: திருச்சி மாநகரில் வேகமாக வளா்ந்து வரும் பகுதியாக பஞ்சப்பூா் மாறியுள்ளது. பேருந்து நிலையம், சரக்கு வாகன முனையம், வணிக வளாகம், ஆம்னி பேருந்து நிலையம், காய்கனி, மலா்கள், பழங்கள் விற்பனைக்கான ஒருங்கிணைந்த சந்தை ஆகியவற்றை தொடா்ந்து நவீன கழிவுநீா் சுத்தகரிப்பு மையமும் கட்டப்படுகிறது.

நவீன தொழில்நுட்ப முறையில், 100 எம்எல்டி கொள்ளளவுள்ள கழிவுநீா் சுத்திகரிப்பு நிலையம் அமைக்கும் பணி முழுவீச்சில் நடைபெற்று வருகிறது. இத்திட்டத்தின் மூலம் மொத்தம் உள்ள 65 வாா்டுகளில் இருந்து சுமாா் 50 வாா்டுகளை சோ்ந்த பொதுமக்கள் பயன்பெறுவா். கட்டுமானப் பணிகள் அனைத்தும் 2026-ம் ஆண்டுக்குள் முடிவடைந்து பொதுமக்கள் பயன்பாட்டிற்கு கொண்டு வரப்படும் என்றாா்.