சங்கரன்கோவில்: பொதுமக்களை அச்சுறுத்தும் தெரு நாய்கள்

தென்காசி மாவட்டம் சங்கரன்கோவில் பல்வேறு இடங்களில் சாலையில் நாய்கள் சுற்றித்திரிகின்றன. இந்த நாய்கள் ஓட்டல்கள், இறைச்சிக்கடைகளில் உள்ள கழிவுகளை தின்று விட்டு தெருக்களில் சுற்றித்திரிகின்றன. இந்த நாய்களுக்கு முறையாக வெறிநாய் தடுப்பூசி போடப்படுவதில்லை. 

இதனால் இந்த நாய்கள் கடித்து பலர் படுகாயம் அடைந்ததாக கூறப்படுகிறது. கடந்த சில மாதங்களுக்கு முன்பு சங்கரன்கோவில் அருகே நாய் குறுக்கே ஓடியதால் மோட்டார் சைக்கிள் விழுந்து வாலிபர் இறந்த சம்பவமும் நிகழ்ந்துள்ளது. சம்பந்தப்பட்ட அதிகாரிகள் வந்து உடனே பார்வையிட்டு சங்கரன்கோவில் பகுதியில் சுற்றித்திரியும் நாய்களை உடனே பிடிக்க வேண்டும் என அப்பகுதி பொதுமக்களும் சமூக ஆர்வலர்களும் கோரிக்கை வைத்தனர்.