சேலம்: சர்வதேச போட்டிக்கு செல்லும் சேலம் மாணவர்கள்

உத்தரபிரதேச மாநிலம் காசியாபாத்தில் தேசிய அளவிலான துப்பாக்கி சுடும் போட்டி கடந் 4-ந் தேதி தொடங்கி நேற்று வரை 3 நாட்கள் நடந்தது. இதில் தமிழ்நாடு அணி சார்பில் சேலம் மாவட்ட ஏர்கன் சூட்டிங் அசோசியேஷனை சேர்ந்த மாணவர்கள் எஸ். ஜெயசூர்யா, கே. கிருஷ்ணஜெயம், டி. வி. தர்ஷன் சரத் ஆகியோர் கலந்து கொண்டு 12, 14, 16 வயதுக்கு உட்பட்ட பிரிவில் 3 பேரும் வெற்றி பெற்று தங்கப்பதக்கம் பெற்றனர். மேலும் தமிழ்நாடு அணி சார்பில் ஒட்டுமொத்த சாம்பியன் பட்டம் வென்றனர். இந்த சாதனை மாணவர்களை ஏர்கன் சூட்டிங் அசோசியேஷன் தமிழ்நாடு சங்க செயலாளர் கேசவன், பொருளாளர் நந்தகுமார், சேலம் மாவட்ட செயலாளர் பயிற்சியாளர் தாமோதரன் உள்பட பலர் பாராட்டினர். சாம்பியன் பட்டம் பெற்ற இந்த மாணவர்கள் வருகிற ஜனவரி மாதம் இலங்கையில் நடைபெறும் சர்வதேச போட்டியில் கலந்து கொள்ள தேர்வாகி உள்ளனர் என்பது குறிப்பிடத்தக்கது.