சேலம்: செம்மண் கடத்திய பொக்லைன் எந்திரம், லாரி பறிமுதல்

சேலம் மாவட்டம் மேச்சேரி அருகே குட்டப்பட்டி கணக்குபட்டி காட்டுவளவு சீனிவாசன் என்பவருடைய நிலத்தில் இருந்து பொக்லைன் எந்திரம் மூலம் லாரியில் செம்மண் அள்ளி கடத்துவதாக கிராம நிர்வாக அலுவலருக்கு தகவல் கிடைத்தது.
இதுகுறித்து அவர் நங்கவள்ளி போலீசில் புகார் செய்தார்.

அதன்பேரில் போலீசார் விரைந்து சென்று பொக்லைன் எந்திரம், லாரி ஆகியவற்றை பறிமுதல் செய்தனர். மண் அள்ளி கடத்தியது தொடர்பாக லாரி டிரைவர் கார்த்திக் (வயது 26) என்பவரை போலீசார் கைது செய்தனர். மேலும் பொக்லைன் டிரைவர் உள்பட 2 பேரை போலீசார் தேடி வருகின்றனர்.