பொன்னமராவதி: வெறிநாய் கடித்து 2 பேர் காயம்!

பொன்னமராவதி பஸ் நிலையம்
அருகே நேற்று மதியம் பாண்டிமான் கோயில் தெருவை சேர்ந்த வெள்ளைச்சாமி (38) என்பவர் நின்றுக்கொண்டிருந்தார். அப்போது அந்த பகுதியில் சுற்றித்திரிந்த வெறிநாய் ஒன்று பாய்ந்து வந்து வெள்ளைச்சாமியின் இடது கால் தொடையில் கடித்தது. பின்னர் அருகில் குப்பை சேகரித்து கொண் டிருந்த பேரூராட்சி பெண் துாய்மை பணியாளரை விரட்டி கடிக்க முயன்றது. அவர் தப்பியோடிவிட் டார். சிறிது நேரத்தில் அம்மன் கோயில் வீதியை சேர்ந்த முருகேசன் மகன் திருக்குமரன் (14) என்ற பள்ளி மாணவர் சாலையோரம் இருந்த கடை ஒன் றில் ஜூஸ் குடித்துக் கொண்டிருந்தபோது, வெறிநாய் இடதுபுற காலில் கடித்தது. இதில் படுகாயமடைந்த இருவரும் அரசு மருத்துவமனையில் சிகிச்சைக்காக சேர்க்கப்பட்டனர். இந்த சம்பவத்தால் மக்கள் சாலையில் நடந்து செல்லவே அஞ்சும் நிலை ஏற்பட்டுள்ளது. நகரில் கடந்த சில நாட்களாக தெருநாய்கள் அதிக அளவில் சுற்றித்திரிகின்றன. அவற்றில் வெறிநாய்களை பிடித்து தடுப்பூசி செலுத்த பேரூராட்சி நிர்வாகம் நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.