மகா மாரியம்மன் கோயில் தோ், குண்டம் திருவிழா தொடக்கம்

பரமத்தி வேலூா் அருகே உள்ள பாண்டமங்கலம் மகா மாரியம்மன் கோயிலில் வைகாசி தோ்த் திருவிழா ஞாயிற்றுக்கிழமை காப்புகட்டி, கம்பம் நடப்படும் விழாவுடன் தொடங்கியது.

மே 13-ஆம் தேதி முதல் 17-ஆம் தேதி வரை தினந்தோறும் அம்மனுக்கு சிறப்பு அபிஷேக ஆராதனைகளும், சிறப்பு அலங்காரமும், மகா தீபாராதனையும் நடைபெறுகின்றன. 18-ஆம் தேதி பூச்சொறிதல் விழாவும், 19-ஆம் தேதி மறுகாப்பு கட்டுதலும் நடைபெறுகின்றன. 20-ஆம் தேதி முதல் 25-ஆம் தேதி வரை இரவு சிங்கம், காமதேனு, காளை வாகனங்களில் உற்சவ மகா மாரியம்மன் புறப்பாடு, அன்னபட்சி வாகனத்தில் அம்மன் திருவீதி உலா நிகழ்ச்சி நடைபெறுகின்றன.

26-ஆம் தேதி வடிசோறு நிகழ்ச்சியும், மாவிளக்கும் பூஜையும், இரவு குதிரை வாகன புறப்பாடும், 27-ஆம் தேதி மாலை 4. 30 மணிக்கு மகா மாரியம்மன் திருத்தேரில் திருவீதி உலா நிகழ்ச்சியும், 28-ஆம் தேதி மாலை 4 மணிக்கு குண்டம் திருவிழாவும், மாலை 6 மணிக்கு உற்சவ மகா மாரியம்மன் திருவீதி உலா வருதம் நிகழ்ச்சி நடைபெறுகின்றன.

29-ஆம் தேதி பொங்கல் வைத்து மாவிளக்கு படைக்கும் நிகழ்ச்சியும், 30-ஆம் தேதி கிடாவெட்டு நிகழ்ச்சியும், 31-ஆம் தேதி மஞ்சள் நீராட்டு விழாவும் நடைபெறுகின்றன.

தோ்த் திருவிழாவுக்கான ஏற்பாடுகளை பாண்டமங்கலம் மகா மாரியம்மன் கோயில் ஊா் காரியக்காரா், பண்ணையக்காரா், பொதுமக்கள் செய்து வருகின்றனா்