உயர் இரத்த அழுத்தம் இதய செயலிழப்புக்கு வழிவகுக்கும்!

உயர் இரத்த அழுத்தம் இதய செயலிழப்புக்கு வழிவகுப்பதோடு, சிகிச்சையளிக்கப்படாவிட்டால் சிறுநீரக பாதிப்பையும் ஏற்படுத்தும் என தெரியவந்துள்ளது. கடந்த சில ஆண்டுகளாக, உலகெங்கிலும் உள்ள மில்லியன் கணக்கானவர்களுக்கு உயர் இரத்த அழுத்தம் ஒரு அமைதியான கொலையாளியாக உள்ளது. உலக சுகாதார அமைப்பு தனது முதல் அறிக்கையில், உயர் இரத்த அழுத்தத்தின் பேரழிவு விளைவுகளையும், இந்த கொடிய நிலை எவ்வாறு பக்கவாதம், மாரடைப்பு, இதய செயலிழப்பு, சிறுநீரக பாதிப்பு மற்றும் பிற உடல்நலப் பிரச்சனைகளுக்கு வழிவகுக்கிறது என்பதையும் பகிர்ந்து கொண்டது.

இந்திய மருத்துவ ஆராய்ச்சி கவுன்சில் (ICMR) படி, இந்தியாவில் 10.8 சதவீதத்திற்கும் அதிகமான இறப்புகள் உயர் இரத்த அழுத்தத்தால் ஏற்படுகின்றன. உயர் இரத்த அழுத்தத்துடன் வாழும் மக்களின் எண்ணிக்கை (140/90 mmHg அல்லது அதற்கு மேற்பட்ட இரத்த அழுத்தம் அல்லது உயர் இரத்த அழுத்தத்திற்கான மருந்துகளை எடுத்துக்கொள்வது) 1990 மற்றும் 2019 க்கு இடையில் 650 மில்லியனிலிருந்து 1.3 பில்லியனாக இரட்டிப்பாகியுள்ளது.