ஆட்டிறைச்சி என்ற பெயரில் நாய் இறைச்சி கடத்தல்?

இரண்டு நாட்களுக்கு முன்பு, ராஜஸ்தானில் இருந்து பெங்களூருக்கு ஆட்டிறைச்சி என்ற பெயரில் நாய் இறைச்சியைக் கடத்துவதாகக் கூறி பெங்களூரு கேஎஸ்ஆர் ரயில் நிலையத்தில் இந்து அமைப்பினர் போராட்டத்தில் ஈடுபட்டனர். இந்த குற்றச்சாட்டுகளுக்கு கர்நாடக அரசு பதிலளித்து சம்பந்தப்பட்ட அதிகாரிகளை எச்சரித்தது. இதையடுத்து உணவு பாதுகாப்பு அதிகாரிகள் சந்தேகத்திற்குரிய இறைச்சி மாதிரிகளை ஆய்வகத்திற்கு அனுப்பி வைத்தனர். இறுதியில் அது ஆட்டு இறைச்சி என்பதை உணவு பாதுகாப்பு ஆணைய அதிகாரிகள் உறுதி செய்தனர்.