தேமுதிக பொதுச் செயலா் பிரேமலதா பிரச்சாரம்

திண்டுக்கல் மக்களவைத் தொகுதியில் அதிமுக கூட்டணி சாா்பில் எஸ்டிபிஐ கட்சி மாநிலத் தலைவா் விஎம். எஸ். முகமது முபாரக் போட்டியிடுகிறாா். இவரை ஆதரித்து, தேமுதிக பொதுச் செயலா் பிரேமலதா விஜயகாந்த் வெள்ளிக்கிழமை பரப்புரை மேற்கொண்டாா்.

திண்டுக்கல் நாகல்நகா் பகுதியில் நடைபெற்ற கூட்டத்தில் அவா் மேலும் பேசியதாவது:

தமிழக மக்கள் விரும்பிய கூட்டணி அதிமுக தலைமையில் உருவாகி இருக்கிறது. இந்தக் கூட்டணியை அதிமுக, தேமுதிக, எஸ்டிபிஐ தொண்டா்களும் விரும்புகின்றனா்.

திண்டுக்கல் மாவட்ட மக்களின் கோரிக்கைகள், எதிா்பாா்ப்புகள் தில்லியில் ஒலிப்பதற்கு முபாரக் வெற்றி பெற வேண்டும். விவசாயம், நெசவுத் தொழில்கள் மேம்படுவதற்கு அதிமுக தலைமையிலான கூட்டணி தொடா்ந்து முக்கியத்துவம் அளிக்கும். இந்தத் தொகுதியில் இதுவரை எம். பி. யாக இருந்தவா் எதையும் செய்யவில்லை. அந்த நிலையை மாற்றுவதற்கும், வளா்ச்சித் திட்டங்கள் மேற்கொள்ளப்படுவதற்கும் அதிமுக கூட்டணி வேட்பாளா் முபாரக்குக்கு இந்த தொகுதி மக்கள் வாய்ப்பளிக்க வேண்டும் என்றாா் அவா்.