தர்மபுரி: ஒகேனக்கல்லில் 2000 கன அடியாக நீர்வரத்து அதிகரிப்பு

தர்மபுரி மாவட்டம் பென்னாகரம் சட்டமன்ற தொகுதிக்கு உட்பட்ட ஒகேனக்கல் காவிரி ஆறு மற்றும் ஒகேனக்கல் வனப்பகுதி, பென்னாகரம், தேன்கனிக்கோட்டை, அஞ்செட்டி உள்ளிட்ட காவிரி நீர்பிடிப்பு பகுதிகளில் சமீப நாட்களாக பொழியும் கனமழையின் அளவைப் பொறுத்து ஒகேனக்கல் காவிரி ஆற்றில் நீர்வரத்து அதிகரிப்பதும் சரிவிதமாக காணப்பட்டு வருகிறது இந்த நிலையில் நேற்று முன்தினம் மாலை வினாடிக்கு 1200 கன அடி வீதம் இருந்த நீர்வரத்து ஏப்ரல் 17 இன்று காலை 6: 30 மணி நிலவரப்படி வினாடிக்கு 2000 கனஅடியாக நீர் வரத்து அதிகரித்துள்ளது. மேலும் தொடர்ந்து தமிழக கர்நாடக எல்லை பகுதியான பிலிகுண்டு பகுதியில் மத்திய நீர்வளத்துறை அதிகாரிகள் நீரின் அளவை கணக்கீடு செய்து வருகின்றனர்.