விசிக தலைவர் பிறந்த நாள் விழா -பால்குடம் எடுத்து கொண்டாட்டம்

தர்மபுரி மாவட்டம் கடத்தூர் உள்ள வேப்பிலைப்பட்டி, மடதஹள்ளி, பெத்தூர் ஆகிய பகுதிகளில் உள்ள ஆயிரத்திற்கும் மேற்பட்ட பொதுமக்கள் மற்றும் விடுதலை சிறுத்தைகள் கட்சியைச் சேர்ந்த தொண்டர்கள் அக்கட்சியின் தலைவர் தொல் திருமாவளவனின் பிறந்தநாளை கொண்டாடும் வகையில் பிறந்தநாளை முன்னிட்டு நோன்பு இருந்து இன்று‌ அவரது பிறந்த நாளில் பட்டாசு வான வேடிக்கை வெடித்து மாவிளக்கு, பால்குடம் எடுத்து மேளக்தாளத்துடன் பல்வேறு வண்ண மலர்களால் அலங்கரிக்கப்பட்ட தேரில் திருமாவளவனின் புகைப்படம் மற்றும் கட்சியின் பொதுச் செயலாளர் ரவிக்குமார் மற்றும் அம்பேத்கரின் திருவுருவம் வைக்கப்பட்டிருந்த தேரை பொதுமக்கள் ஊர்வலமாக சென்றனர். அப்போது ஏராளமான இளம் பெண்கள் மற்றும் பொதுமக்கள் உற்சாகத்துடன் நடனமாடி தங்களது மகிழ்ச்சியை வெளிபடுத்தினர். இதில் சிறப்பு அழைப்பாளராக விசிக தர்மபுரி கிழக்கு மாவட்ட செயலாளர் சாக்கன் சர்மா கலந்து கொண்டு கட்சியின் சின்னமான பனையுடன் நடனமாடி டாக்டர் அம்பேத்கரின் சிலைக்கு மாலை அணிவித்து மரியாதை செலுத்தி கோஷமிட்டு வெடித்து இனிப்புகள் வழங்கி அவரது பிறந்த நாளை கொண்டாடினர் மேலும் விடுதலை சிறுத்தைகள் கட்சி தேர்தலில் வெற்றி பெற்று அங்கீகாரம் பெற்றதற்கும், திருமாவளவன் ரவிக்குமார் ஆகியோர் மீண்டும் நாடாளுமன்ற உறுப்பினராக பதவி ஏற்றதற்காக பொதுமக்களுக்கு இனிப்பு வழங்கி முப்பெரும் விழாவாக கொண்டாடினர்.