தர்மபுரி: பூசாரிபட்டியில் மழை நீரில் மூழ்கிய மேம்பாலம்

தர்மபுரி மாவட்டம் சோகத்தூர் ஊராட்சி, பூசாரிப்பட்டி கிராமத்தில் இன்று அக்டோபர் 19ஆம் தேதி அதிகாலை முதல் பெய்து வரும் கனமழையின் காரணமாக சிறு மேம்பாலம் பாதி அளவு தண்ணீரில் மூழ்கியுள்ளது. இதனால் அந்த வழியாக செல்லும் இருசக்கர வாகனங்கள் தண்ணீரில் மூழ்கியும் சிறிய ரக இலகுராக கார்கள் செல்ல முடியாமலும், பொதுமக்கள் நடந்து செல்ல முடியாமலும் போக்குவரத்து பாதிப்பு ஏற்பட்டு அவதிக்கு உள்ளாகினர். சரி செய்ய ஊராட்சி நிர்வாகத்திடம் சமூக ஆர்வலர்கள் மற்றும் பொதுமக்கள் கோரிக்கை விடுத்த நிலையில் தொடர்ந்து மழை பொழிந்து வருவதால் ஊராட்சி சார்பில் சீரமைப்பு பணிகள் மேற்கொள்ள தொய்வு ஏற்பட்டுள்ளதாக ஊராட்சி நிர்வாகத்தினர் தெரிவித்துள்ளனர்.