போத்தனூர் வழியாக சிறப்பு ரயில் - ரயில்வே நிர்வாகம் தகவல்!

எர்ணாகுளம் - யெலஹங்கா (பெங்களூரு) இடையே, பயணிகளின் கூட்ட நெரிசலைக் கருத்தில் கொண்டு,
போத்தனூர், திருப்பூர், ஈரோடு, சேலம் வழியாக எர்ணாகுளம் - யெலஹங்கா இடையே சிறப்பு ரயில்கள் இயக்கப்படுகிறது.

ரயில் எண். 06101 எர்ணாகுளம் ஜே. என் - யெலஹங்கா சிறப்பு ரயில் 04 மற்றும் 06 செப்டம்பர், 2024 ஆகிய தேதிகளில் எர்ணாகுளத்தில் இருந்து மதியம் 12. 40 மணிக்கு புறப்பட்டு அதே நாளில் 23. 00 மணிக்கு யெலஹங்காவை சென்றடையும்.

ரயில் எண். 06102 யெலஹங்கா - எர்ணாகுளம் ஜே. என். சிறப்பு ரயில் யெலஹங்காவிலிருந்து 05 மற்றும் 07 செப்டம்பர், 2024 அன்று காலை 05. 00 மணிக்குப் புறப்பட்டு, அதே நாளில் 14. 20 மணிக்கு எர்ணாகுளத்தைச் சென்றடையும் என சேலம் மக்கள் தொடர்பு அலுவலர் ஜி. மரியா மைக்கேல் தெரிவித்துள்ளார்.